Қазақстан Корея Халық-Демократиялық Республикасының ядролық қару сынақтарын жүргізуіне байланысты алаңдаушылық білдіреді - ҚР СІМ
Қазақстан Корея Халық-Демократиялық Республикасының ядролық қару сынақтарын жүргізуіне байланысты алаңдаушылық білдіреді - ҚР СІМ
Астана. 26 мамыр. "Қазақстан Бүгін" - Қазақстан Корея Халық-Демократиялық Республикасының ядролық қару сынақтарын жүргізуіне байланысты алаңдаушылық білдіреді, деп хабарлайды "Қазақстан Бүгін" агенттігі Қазақстанның Сыртқы істер министрлігінің мәлімдемесіне сілтеме жасап.
"Қазақстан Республикасы Корея Халық-Демократиялық Республикасының кейінгі үш жылда екінші мәрте ядролық қару сынақтарын жүргізуіне байланысты айрықша алаңдаушылық білдіреді", - делінген мәлімдемеде.
"Қазақстан ядролық қару иеленуден өз еркімен бас тартқан және ғаламдық қарусыздану процессіне сүбелі үлес қосқан ел ретінде халықаралық қоғамдастықтың үндеулеріне қарамастан, ядролық сынақтар жүргізу жұмыстарының одан әрі жалғасын табуын батыл айыптайды", - деп мәлімдейді СІМ.
"Біз бұл қадам ғаламдық қару таратпау процессіне кері әсерін тигізеді және өңірлік ауқымда да, ғаламдық ауқымда да қауіпсіздікке қатер төндіреді деген кәміл сенімдеміз", - делінген мәлімдемеде.
Осы орайда атап көрсетілгеніндей, "Қазақстан Республикасы Солтүстік Кореяны ядролық пролемалар бойынша Қытай, Ресей, АҚШ, Оңтүстік Корея мен Жапонияның қатысуымен алты жақты форматтағы келіссөздерге тез арада отыруға және ядролық қаруға қатысты кеудемсоқтықтан толық бас тартуға шақырады".
Еске сала кетейік, ағымдағы жылдың 25 мамырында Солтүстік Корея жер асты ядролық қару сынақтарын жүзеге асырды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.