Қазақстан мемлекет басшысы Біріккен Араб Имірліктеріне ресми сапармен баруға шақыру алды
Қазақстан мемлекет басшысы Біріккен Араб Имірліктеріне ресми сапармен баруға шақыру алды
Астана. 15 шілде. "Қазақстан Бүгін" - Қазақстан мемлекет басшысы Нұрсұлтан Назарбаев Біріккен Араб Имірліктерінің президенті шейх Халифа бен Заид аль Нахаяннан Біріккен Араб Имірліктеріне ресми сапармен баруға шақыру алды, деп хабарлайды агенттік тілшісі.
"Мен Сізді Біріккен Араб Имірліктеріне ресми сапармен келуге шақырамын", - деді БАИ президенті екі жақты келіссөздер барысында.
Өз кезегінде Нұрсұлтан Назарбаев бұл Біріккен Араб Имірліктерінің президенті шейх Халифа бен Заид аль Нахаянның Қазақстанға бірінші ресми сапары екенін атап өтті. "Сіздің қазақ халқына деген айрықша назарыңыз екі жақты ынтымақтастықтың жоғары деңгейін паш етеді", -деді ол.
Ресми мәліметке сәйкес, екі ел арасындағы тауар айналымы 2007 жылы $304 млн, ал ағымдағы жылдың бес айында $140 млн болды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.