Қазақстан мемлекеттік басқару саласы бойынша Сингапурдың тәжірибесін зерттемекші - ҚР СІМ
Қазақстан мемлекеттік басқару саласы бойынша Сингапурдың тәжірибесін зерттемекші - ҚР СІМ
Астана. 28 сәуір. "Қазақстан Бүгін" - Қазақстан мемлекеттік басқару және жоспарлау саласы бойынша Сингапурдың тәжірибесін зерттемекші. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Президент әкімшілігінің жетекшісі Дархан Қалетаев басқарған Қазақстан делегациясы 28 - 30 сәуірде жұмыс сапарымен Сингапур Республикасына барады. Сапардың басты мақсаты - мемлекеттік басқару және жоспарлау саласы бойынша Сингапурдың тәжірибесін зерттеу, сондай-ақ, тиісті органдардың басшылығымен екі жақты келіссөздер жүргізу", -деді Е. Ашықбаев.
Оның хабарлауынша, "сапар аясында Қазақстан өкілдері танысу мақсатымен "Биополис" технопаркінде, Джуронг аралындағы өнеркәсіптік аймақ пен Кеппел айлағында болады".
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.