Қазақстан мен АҚШ экология саласындағы ынтымақтастықты нығайтуды көздеп отыр
Қазақстан мен АҚШ экология саласындағы ынтымақтастықты нығайтуды көздеп отыр
Астана. 5 шілде. "Қазақстан Бүгін" - Қазақстан мен АҚШ экология саласындағы ынтымақтастықты нығайтуды көздеп отыр. Бұл туралы тараптар Экологиялық реттеу және бақылау комитетінің төрағасы Мұрат Рақымбергеновтың жетекшілігімен Қоршаған ортаны қорғау министрлігінің делегациясының АҚШ-қа сапары барысында келісті, деп хабарлайды "Қазақстан Бүгін" агенттігінің тілшісі ҚР Қоршаған ортаны қорғау министрлігінің баспасөз қызметіне сілтеме жасай отырып.
"Сапар мақсаты - Қазақстан мен Американың табиғат қорғау ведомстволарының арасындағы ынтымақтастық мәселелерін талқылау, табиғат қорғау заңын бұзғандарға санкция қолдану бойынша тәжірибе алмасу, Қазақстан аумағын зиянды қалдықтардан тазарту жөніндегі жобаларға АҚШ мамандарының қатысу нәтижелерімен танысу", - деп хабарлады баспасөз қызметі.
АҚШ Қоршаған ортаны қорғау агенттігінің Нью-Йорк пен Денвердегі кеңселерін аралау барысында екі елдің табиғат қорғау мекемелерінің өкілдері қоршаған ортаны тазарту бойынша жобаларды жүзеге асыру механизмдерін талқылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.