Қазақстан мен АҚШ ғылыми-техникалық ынтымақтастық туралы келісімге қол қойды
Қазақстан мен АҚШ ғылыми-техникалық ынтымақтастық туралы келісімге қол қойды
Алматы. 12 сәуір. Kazakhstan Today - Қазақстан мен АҚШ ғылыми-техникалық ынтымақтастық туралы келісімге қол қойды, деп хабарлайды Kazakhstan Today АҚШ Мемлекеттік департаментінің хабарламасына сілтеме жасап.
Баспасөз қызметінің ақпаратына сәйкес, Қазақстан тарапынан келісімге кеше ҚР сыртқы істер министрінің орынбасары Қайрат Омаров, АҚШ тарапынан - АҚШ Мемлекеттік хатшысының Оңтүстік және Орталық Азия істері бойынша көмекшісі Роберт Блейк қол қойды.
АҚШ Мемлекеттік департаментінің хабарламасына сәйкес, Қазақстан мен АҚШ ғылым саласында, соның ішінде қару таратпау саласында 1991 жылдан бері ынтымақтасып келеді. Жоғарыда аталған келісімге қол қою ғылыми ынтымақтастықты бекіте түседі, ал бұл білім беру, денсаулық сақтау, биотехнологиялар, энергетика, сейсмикалық зерттеулер, су ресурстарын басқару, ақпараттық технологиялар, инженерия және қоршаған ортаны қорғау саласында бірлескен іс-шараларды өткізуді жеңілдетеді.
Қазақстан мен АҚШ екі жақты ғылыми-техникалық ынтымақтастық туралы (STA) келісімге қол қою жөніндегі келіссөздерді 2003 жылдан бері жүргізіп келеді. STA Өзара түсіністік туралы меморандумды жүзеге асыру аясында мекемелер, министрліктер, институттар, университеттер мен зерттеу орталықтары өзара ынтымақтаса алатын арқау-негізді қалайды. Келісімде сонымен қатар келісім шеңберіндегі бірлескен іс-қызметтер үшін салықтан, кедендік баж салықтары мен алымдардан босату қарастырылған.
Қазақстанмен арада қол қойылған бұл келісім АҚШ қол қойған ғылыми-техникалық ынтымақтастық туралы 51-ші екіжақты келісім, және АҚШ Орталық Азия өңіріндегі бұрынғы кеңестік республикамен арада қол қойған ең бірінші келісім болмақ.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.