Қазақстан мен АҚШ ядролық қауіпсіздік мәселелерін талқылады
Бүгін Астанада ҚР Сыртқы істер министрі Ерлан Ыдрысов АҚШ-тың мемлекеттік хатшысының саяси мәселелер жөніндегі орынбасары, елші Уэнди Шерманмен кездесу өткізді.
Астана. 29-қараша. Kazakhstan Today - Қазақстан мен АҚШ ядролық қауіпсіздік мәселелерін талқылады, деп хабарлайды Kazakhstan Today агенттігінің тілшісі.
Бүгін Астанада ҚР Сыртқы істер министрі Ерлан Ыдрысов АҚШ-тың мемлекеттік хатшысының саяси мәселелер жөніндегі орынбасары, елші Уэнди Шерманмен кездесу өткізді.
"Кездесу барысында олар екі ел арасындағы ядролық қауіпсіздік саласындағы бірлескен жұмыстарды, сауда-экономикалық қарым-қатынасты, энергетика мен адам құқығы саласындағы өзара әрекеттестікті қамтитын стратегиялық серіктестіктің қазіргі жағдайы мен перспективалық бағыттарын талқылады", - делінген ҚР СІМ хабарламасында.
Сондай-ақ тараптар өңірлік және жаһандық қауіпсіздік мәселелері, атап айтқанда Ауғанстандағы жағдайды тұрақтандыру туралы пікір алысты.
Министрліктің хабарламасында атап көрсетілгендей, АҚШ мемлекеттік хатшысы орынбасарының сапары қазақстан-американдық қарым-қатынастың стратегиялық серіктестік рухында одан әрі дамуына жаңа серпін береді.
Естеріңізге сала кетсек, өзінің өңірлерге жасаған сапары барысында АҚШ мемлекеттік департаментінің өкілі Қазақстанмен қатар, Ауғанстан, Үндістан және Қырғызстанда болып қайтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.