Қазақстан мен АҚШ қауіпсіздік және ядролық қаруды таратпау саласындағы ынтымақтастықты күшейтпекші
Қазақстан мен АҚШ қауіпсіздік және ядролық қаруды таратпау саласындағы ынтымақтастықты күшейтпекші
Астана. 10 қаңтар. "Қазақстан Бүгін" - Қазақстан мен АҚШ қауіпсіздік және ядролық қаруды таратпау саласындағы ынтымақтастықты күшейтпекші. Бұл туралы бүгін келіссөздерден кейін өткен брифингте американдық сенатор Ричард Лугар мәлімдеді, деп хабарлайды агенттік тілшісі.
Р. Лугар атап өткеніндей, қазақстандық сыртқы саясат ведомствосының басшысымен кездесу барысында Нанна-Лугар "Қауіпті бірлесіп жою" бағдарламасындағы ынтымақтастық мәселелері талқыланды.
"Дүние жүзінде және Қазақстанда қауіпсіздікті қамтамасыз ету үшін, біз бұрыннан бері Қазақстанмен ядролық қару-жарақты қысқарту мәселесі бойынша жұмыс жасап, соңғы жылдары қауіпті патогендер жөнінде ақпаратпен алмасу үшін, биологиялық бағдарламалар бойынша жобаларды қарқынды дамытудамыз", - деп атап өтті АҚШ сенаторы. "Бірлесе отырып қауіпті азайтуға бағытталған бағдарлама тағы да жеті жылға ұзартылды. Сондықтан, біздер бірлесе отырып жұмыс жасайтынымызға сенім білдіремін", - деп мәлімдеді ол.
Сенатордың айтқан сөздері бойынша, келіссөздер кезінде энергетикалық қауіпсіздік мәселесіндегі қарым -қатынас жолдарының болашағы талқыланды. "біз бүгін энергетика саласындағы ынтымақтастық мәселелерін көтердік", -деді американдық сенатор. "Қазақстандағы сапардан кейін, біз Түркменстан, Изербайжан және Украинаға бет аламыз. Ирине, бұл мемлекеттерде біз энергетикалық қауіпсіздік мәселелерін талқылап, осы сала бойынша қарым- қатынас жасаудың тетіктерін қарастырамыз ", - деп хабарлады Р. Лугар.
Естеріңізге сала кетсек, 1992 жылы АҚШ сенаторлары Сэм Нанна мен Р. Лугардың бастамасымен "Қауіпті бірлесіп жою" бағдарламасы қабылданып, енді жаппай қыратын қаруды таратпау және қауіпсіздік саласы Қазақстан мен Америка арасындағы қарым -қатынастардың негізгі ықпалдастығына айналды. Қазақстанда бұл бағдарлама жаһандану режімін нығайту жолындағы маңызды бастама деп танылуда.
Қазақстан мен АҚШ 1993 жылдың желтоқсан айында ядролық қарудың алдын алуға арналған шеңберлі келісімге қол қойған болатын. Келісім жеті жылдық мерзімге арналып, оның одан әрі ұзартылуы да қарастырылған болатын. 2007 жылдың желтоқсанында екі жақ бұл келісімге кезекті жеті жылға тағы да қол қойып ұзартты.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.