Қазақстан мен Австрия екі жақты құжаттарға қол қойды
Қазақстан президенті Нұрсұлтан Назарбаев пен Австрия басшысы Хайнц Фишер австриялық компаниялардың көрмесіне қатысты.
Астана. 23-қазан. Kazakhstan Today - Қазақстан мен Австрия екі жақты құжаттарға қол қойды , деп хабарлайды Kazakhstan Today агенттігінің тілшісі.
Қазақстан президенті Нұрсұлтан Назарбаев пен Австрия басшысы Хайнц Фишер австриялық компаниялардың көрмесіне қатысты.
Мемлекет басшысы баспасөз қызметінің хабарлауынша, президенттер Қазақстан мен Австрия іскерлерінің бизнес-жобаларымен танысты.
Сонымен қатар, тараптар бірқатар екі жақты құжаттарға қол қойды. Олардың арасында Қазақстан-Австрия іскерлік кеңесін құру туралы, Қазақстан Сауда-өнеркәсіп палатасы мен Австрия Экономика палатасының экономиканы дамыту институты арасындағы ынтымақтастық туралы, "қазМұнайГаз" ҰК мен Австрияның OMV концерні арасында өзара түсіністік туралы меморандумдар бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.