Қазақстан мен Беларусь үкіметінің басшылары жұмыс кездесулерінің қорытындысы бойынша хаттамаға қол қойды
Қазақстан мен Беларусь үкіметінің басшылары жұмыс кездесулерінің қорытындысы бойынша хаттамаға қол қойды.
"ҚАЗАҚСТАН БҮГІН". 13 қыркүйек. АСТАНА. Қазақстан Республикасы үкімет басшысы Кәрім Мәсімов пен Беларусь Республикасының үкімет басшысы Сергей Сидорский жұмыс кездесулерінің қорытындысы бойынша хаттамаға қол қойды,
деп хабарлайды "ҚАЗАҚСТАН БҮГІН" агенттігінің тілшісі.
"Кездесу жемісті және өнімді болды. Біз екі ел үкіметің біздің бүгін қол жеткізген келісімдерді жүзеге асыру мен қойылған міндеттерді шешуде нақты іс-әрекет жоспары болуы үшін хаттамаға қол қойдық",- деді Қазақстан Республикасы үкімет басшысы Кәрім Мәсімов құжатқа қол қою салтанатынан кейін өткен брифингте.
"Жақын арада екі елдің президенттері ЕурАзЭҚ саммиті кезінде Тәжікстанда кездеседі деп жоспарлануда, және де осы кезге дейін мәселелердің жартысы өз шешімін табуға тиіс",- деп түсіндірді К. Мәсімов.
Беларусь үкіметінің басшысы өз кезегінде, "бүгінгі келіссөздер барысында талқыланған басты тақырып - екі жақты сауда-экономикалық қатынастардың болашағы болды", деп атап өтті. "Біздің негізгі міндетіміз екі мемлекет экономикасын интеграциялаудың болашағын айқындау болмақ",- деді С. Сидорский.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.