Қазақстан мен Біріккен Араб Имірліктері сауда-экономикалық ынтымақтастықты қарқындандыруға келісті
Астана. 15 шілде. "Қазақстан Бүгін" - Қазақстан мен Біріккен Араб Имірліктерінің мемлекет басшылары Нұрсұлтан Назарбаев пен шейх Халиф бен Заид аль Нахаян бүгін Астанада өткен келіссөздер барысында сауда-экономикалық және саяси ынтымақтастық перспективаларын талқылады, деп хабарлайды агенттік тілшісі президенттің баспасөз қызметіне сілтеме жасап.
"Келіссөздерде сауда-экономикалық ықпалдастықты одан әрі ұлғайту тетіктері талқыланды. Атап айтсақ, Біріккен Араб Имірліктерінен Қазақстандағы шағын және орта бизнес жобаларына тәжірибе, технологиялар мен инвестициялар тарту үшін екі елдің кәсіпкерлік орталары арасындағы ынтымақтастықты пәрмендендіру қажеттігі айтылды. Осы тұрғыда екі елдің іскерлік кеңесі мен үкіметаралық комиссиясының іс-қызметін пәрмендендірудің маңызы зор",- делінген хабарламада.
Екі елдің көшбасшысы Қазақстан мен Біріккен Араб Имірліктері арасында саяси саладағы ынтымақтастық өзара сенімділік және конструктивтік сипатта екенін айтты. "Тараптар шешуші халықаралық мәселелер бойынша ұстанымдарының жақындығын атап өте отырып, БҰҰ, Ислам Конференциясы ұйымы және басқа да халықаралық және өңірлік ұйымдардың аясындағы ынтымақтастыққа айрықша маңыз берілетінін жеткізді", - делінген баспасөз баянынында.
Қазақстан жағы Біріккен Араб Имірліктерінің Қазақстанның "Ортақ әлем: әртүрлілік арқылы ілгерілеу" тақырыбында мұсылман және батыс елдерінің сыртқы істер министрлерінің форумын өткізу жөніндегі бастамасына көрсеткен қолдауына жоғары баға берді", деп хабарлайды баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.