Қазақстан мен ЭЫДҰ-ның арасында белсенді ынтымақтастық орнатылуда
Е.Орынбаев өз сөзінде, біздің экономикамыздың бәсекеге қабілеттілігін нығайтуға бағытталған жобаларды бірлесіп іске асырудың оң нәтижелеріне тоқталды. Ұйымның инвестициялық саясат, агробизнес, ақпараттық технологиялар секторларына және өңірлерді дамыту саласына қатысты ұсыныс-кеңестерін Қазақстанның нәтижелі іске асырып жатқанын атап көрсетті.
Астана. 20-сәуір. Kazakhstan Today - 19 сәуірде Парижде ҚР Премьер-Министрінің орынбасары Ербол Орынбаев бастаған қазақстандық делегация Экономикалық ынтымақтастық және даму ұйымының Орталық Азия елдері бойынша бастамашылығы Басқарушы комитетінің жұмысына қатысты, деп хабарлайды Kazakhstan Today агенттігінің тілшісі.
Е.Орынбаев өз сөзінде, біздің экономикамыздың бәсекеге қабілеттілігін нығайтуға бағытталған жобаларды бірлесіп іске асырудың оң нәтижелеріне тоқталды. Ұйымның инвестициялық саясат, агробизнес, ақпараттық технологиялар секторларына және өңірлерді дамыту саласына қатысты ұсыныс-кеңестерін Қазақстанның нәтижелі іске асырып жатқанын атап көрсетті.
Вице-премьердің баяндамасын тыңдаған Басқарушы комитеттің мүшелері ЭЫДҰ Бастамашылығын іске асыру жөніндегі Қазақстан Үкіметінің күш-жігеріне жоғары баға берді. Олар Қазақстанның Орталық Азиядағы айтулы ролін атап көрсетті.
Ербол Орынбаев ЭЫДҰ Бас хатшысының орынбасары Ринтаро Тамакимен кездесті және Қазақстанның осы ұйыммен ынтымақтастықты арттыруға дайын екенін жеткізді. Атап айтқанда, біздің еліміздің ұзақмерзімдік және тиімді экономикалық стратегиясын қалыптастыру ісіне ұйымның сарапшыларын тарту туралы ұсыныс жасалды. Және аумақтық дамудың, салық саясатын жетілдірудің, білім беру саласындағы әлеуетті толыққанды ашудың маңыздылығы атап көрсетілді.
Бұл шара Қазақстанның ЭЫДҰ негізгі комитеттерінің жанындағы бақылаушы мәртебесін алу үдерісіндегі және ұйымға мүше елдермен экономикалық ынтымақтастықтың жаңа сапалық деңгейіне әрі қарай көтерілу процесіндегі маңызды кезең болып отыр.
Қазақстан Республикасының экономикасына тартылған барлық шетелдік инвестицияның 70 пайыздан астамы ЭЫДҰ елдерінің үлесі екенін айта кету керек.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.