Қазақстан мен Франция Ауғанстандағы ахуалды бейбіт жолмен реттеу мәселесі бойынша пікірлес - Назарбаев
Қазақстан мен Франция Ауғанстандағы ахуалды бейбіт жолмен реттеу мәселесі бойынша пікірлес - Назарбаев
Астана. 6 қазан. Kazakhstan Today - Қазақстан мен Франция Ауғанстандағы ахуал әскери әдіспен емес, бейбіт жолмен реттелуге тиіс деген мәселе бойынша пікірлес. Бұл туралы Қазақстан президенті бүгін Франция Республикасының президенті Николя Саркозимен келіссөздерден кейін өткен бірлескен баспасөз мәслихатында мәлімдеді, деп хабарлайды Kazakhstan Today.
"Қазақстан мен Орталық Азиядағы қауіпсіздік туралы сөз қозғағанда біз Ауғанстан, Иран, Ирак және Израиль-Палестина шиеленісі туралы мәселені айналып өте алмаймыз. Сол себепті біз бұл мәселе туралы жан-жақты талқыладық. Біз бұл мәселені әскери жолмен шешуге болмайды деген пікірге тоқайластық", - деді Н. Назарбаев.
"Көрсетілетін көмекті дұрыс құрылымдай отырып, Ауған халқын қалыпты тіршілікке ден қойдыру қажет. Ол үшін көп іс тындыру керек. Онда мектептер де, жолдар да жоқ, мамандарды дайындау қажет. Біз осы жөнінде сөз қозғадық. Иран проблемасын үлкен алаңдаушылықпен талқыладық", - деді президент.
"Бұл мәселелердің барлығы бойынша біздің пікіріміз ортақ", - деді ол.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.