Қазақстан мен Франция бизнесмендері Іскерлік кеңес құруда
Қазақстан мен Франция бизнесмендері Іскерлік кеңес құруда
Астана. 13 маусым. "Қазақстан Бүгін" - Қазақстан мен Франция бизнесмендері Іскерлік кеңес құруда. Бұл туралы "Қазақстан Бүгін" агенттігінің тілшісіне экономика және бюджетті жоспарлау министрі Бақыт Сұлтанов хабарлады.
"Көлік, энергетика және атом салаларындағы қол қойылған келісімдер мен меморандумдардан басқа "Қазақстан - Франция" бизнес-форумында қабылданған маңызды шешім Іскерлік кеңестің құрылуы болды. Оған үкіметпен жұмыс тәжірибесі бар екі елдің ірі кәсіпкерлері кіреді", - деді Б. Сұлтанов.
Оның айтуынша, Кеңес қызметі экономикалық ынтымақтастық жөніндегі Қазақстан-Франция үкіметаралық комиссиясының жұмысы аясында іске асырылатын болады. Бұл ретте кәсіпкерлердің кездесулері үкіметаралық деңгейге қарағанда екі есе жиі өткізу көзделіп отыр.
"Біздің пайымдауымызша, қабылданған шешімдер экономикалық ынтымақтастық қақынының артуы мен Франция президенті Николя Саркозидің келер жылдың көктеміне жоспарланған жауап сапарына зор серпін беруге қабілетті. Біз нақты жобалары бар келісімдер мен келісімшарттардың жаңа пакетін дайындау жоспарын алдымызға қойып отырмыз", - деп атап көрсетті Б. Сұлтанов.
"Бұл бізді қос президенттің былтырғы БҰҰ Ассамблеясындағы кездесуінде белгілеген Қазақстан мен Франция арасындағы сауда айналымын екі еселендіру мақсатына жақындатады", - деп толықтырды ол.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.