Қазақстан мен Франция президенттері екі мемлекеттің стратегиялық әріптестігі жөніндегі шартқа қол қойды
Астана. 12 маусым. "Қазақстан Бүгін" - Қазақстан мен Франция президенттері екі мемлекеттің стратегиялық әріптестігі жөніндегі шартқа қол қойды, деп хабарлайды агенттік тілшісі президенттің баспасөз қызметіне сілтеме жасап.
Президент Николя Саркози Нұрсұлтан Назарбаевқа Францияның жоғары наградасы - Құрметті легионның Үлкен Крест орденін табыс етті.
Қазақстан президенті Нұрсұлтан Назарбаев түс ауа Елисей сарайына келді. Ресми рәсімнен кейін оның Франция президенті Николя Саркозимен келіссөздері басталды.
Бұл Қазақстан мен Франция басшыларының екінші рет кездесуі. Алғаш рет мемлекет басшылары өткен жылдың күзінде Нью-Йоркте БҰҰ-ның Бас Ассамблеясының 62-сессиясы аясында кездескен болатын. Ол кезде қазақстан-франция қарым-қатынасын стратегиялық әріптестік деңгейіне көтеру қажеттігі жөніндегі уағадаластықтарға қол жеткізілгенді.
Бүгін мемлекет басшылары жоғары деңгейлі саяси диалогты жалғастырып, сауда-экономикалық байланыстарды кеңейту перспективасын және мәдени-гуманитарлық даму мәселелерін талқылады.
Елисей сарайында президент Нұрсұлтан Назарбаевты жағымды сыйлық күтіп тұрған екен. Президент Николя Саркози қазақстан-француз ынтымақтастығын дамытуға қосқан мол үлесі үшін Нұрсұлтан Назарбаевтың "Құрметті легионның Үлкен Крест орденімен" марапатталатынын хабарлап, орденді Қазақстан басшысына салтанатты түрде табыс етті. Бұл Францияның аса жоғары мемлекеттік наградасы.
Кездесу аяқталғанан кейін Нұрсұлтан Назарбаев пен Николя Саркози Қазақстан мен Францияның Стратегиялық әріптестік жөніндегі шартына қол қойды. Бұл аса маңызды құжат қазақстан-француз өзара әрекеттестігінің барлық қырларын қамтып қана қоймай, оның алдағы көп жылдарға бағытталған перспективасын да айғақтайды.
Үкіметаралық деңгейде Қазақстан Республикасының үкіметі мен Франция Республикасының үкіметі арасындағы туризм саласындағы келісімге, қазақстан-француз іскерлік кеңесін құру жөнідегі келісімге, көлік саласындағы ынтымақтастық жөніндегі меморандумға қол қойылды.
Сондай-ақ, кеше кешке президент Н.Назарбаевтың Франция премьер-министрі Франсуа Фийонмен кездесуі өтті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.