Қазақстан мен Германия энергетикалық тиімділік бойынша инвестициялық жобалар әзірлеуде
Бұл туралы Неміс энергетикалық агенттігінің басқарма төрағасы Штефан Колер қазақстан-герман энерготиімділік орталығының тұсаукесер-семинарында мәлім етті.
Астана. 20-желтоқсан. Kazakhstan Today - Қазақстан мен Германия энергетикалық тиімділік бойынша инвестициялық жобалар әзірлеуде, деп хабарлайды Kazakhstan Today агенттігінің тілшісі.
Бұл туралы Неміс энергетикалық агенттігінің басқарма төрағасы Штефан Колер қазақстан-герман энерготиімділік орталығының тұсаукесер-семинарында мәлім етті.
"Энерготиімділікті іске асыру үшін жүргізілген энергоаудитке негізделген инвестициялық жобалар 2013 жылдың соңына қарай дайын болады",- деді Ш.Колер.
Айта кету керек, орталықта Германиядан жеткізілетін техникалық жабдықтармен жарақталған екі оқу зертханасы және инновациялық энергетикалық технологиялардың көрмесі жұмыс істейді.
Ш.Колердің айтуынша, бүгін таныстырылған энерготиімділік орталығы энергетикалық тиімділік пен энергия үнемдеу саясатын дамыту мақсатында құрылып отыр, онда энергоаудит бойынша оқу бағдарламалары, біліктілікті жетілдіру курстары ұйымдастырады.
Тағы бір айта кететін мәселе, энергоаудитті оқыту үшін елімізге мамандар шақырылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.