Қазақстан мен Германия құрылыс саласындағы ынтымақтастық мәселелерін талқылауда
Ол жерлерде Қазақстанда қолжетімді баспана салу үшін озық құрал-жабдықтар мен жоғары технологиялар пайдалану саласында ынтымақтастық орнату мүмкіндігі туралы келіссөздер өтті.
Астана. 25-сәуір. Kazakhstan Today - 24 сәуір күні Магдебург қаласында ҚР Премьер-Министрінің бірінші орынбасары Серік Ахметов бастаған ҚР үкіметтік делегациясы "M?ller-Altvatter GmbH", "B.T. innovation GmbH" компанияларының үй салу комбинаттарының жұмысымен танысты, деп хабарлайды Kazakhstan Today агенттігінің тілшісі.
Ол жерлерде Қазақстанда қолжетімді баспана салу үшін озық құрал-жабдықтар мен жоғары технологиялар пайдалану саласында ынтымақтастық орнату мүмкіндігі туралы келіссөздер өтті.
Сондай-ақ С.Ахметов Саксония-Анхальт Федералдық жерінің премьер-министрі Райнер Хазелофпен кездесті.
Түстен кейін қазақстандық делегация "Euroglas GmbH" компаниясының шыны зауытында болды. Бұл жерде тараптар немістің "DTEC Engineering" компаниясымен бірлесе отырып Қазақстан Республикасының аумағында дөңгелек шыны шығаратын алғашқы зауыт салу мәселесін талқылады.
Айта кетерлігі, Қазақстан осы құрылыс материалын қазіргі таңда 100 пайызға шет елдерден импорттап отыр. Елбасы Нұрсұлтан Назарбаев өзінің Қазақстан халқына арнаған биылғы Жолдауында азаматтарды қолжетімді баспанамен қамтамасыз ету жөніндегі бағдарлама әзірлеп, оны жүзеге асыруды тапсырған болатын. Осыған байланысты ҚР Үкіметі "Қолжетімді баспана-2020" бағдарламасын дайындаған, бағдарлама келесі айда қабылданады деп болжануда.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.