АСТАНА. 4-шілде. Kazakhstan Today. Қазақстан президенті Нұрсұлтан Назарбаев пен Қырғызстан президенті Құрманбек Бакиев екі мемлекет арасындағы қарым-қатынасты жоғары бағалады, деп хабарлайды Kazakhstan Today тілшісі.
“Екі ел арасында саяси және экономикалық қандайбір проблема жоқ. Біз бұл табысқа аса қуаныштымыз”,- деп мәлімдеді Н.Назарбаев бүгін Астанада Құрманбек Бакиевпен кеңейтілген құрамда өткізілген кездесу барысында.
“Біздің өзара ықпалдастығымыз аясында ешбір қиындық жоқ. Екі ел арасында жақын әрі жылы қарым-қатынас орныққан”,- деп атап өтті Қырғызстан мемлекет басшысы
“Қырғызстан экономикасына Қазақстаннан салынған инвестиция көлемі өткен жылғымен салыстырғанда екі есеге өсті. Біз сіздердің Қырғызстан экономикасына мейлінше белсендірек инвестиция салуыңызды қалаймыз”,- деді Қырғызстан президенті еліміз кәсіпкерлеріне қаратып айтқан сөзінде.
Н.Назарбаев көршілес елдің студенттерін Қазақстанның есебінен отандық жоғары оқу орындарында оқытуға еліміздің дайын екенін мәлімдеді.