Қазақстан мен Қырғызстанның Бас прокуратуралары өзара тәжірибе алмасты
Қазақстан мен Қырғызстанның Бас прокуратуралары өзара тәжірибе алмасты
Алматы. 24 ақпан. Kazakhstan Today - Қазақстан мен Қырғызстанның Бас прокуратуралары өзара тәжірибе алмасты, деп хабарлайды Kazakhstan Today Алматы қаласы прокуратурасының баспасөз қызметіне сілтеме жасап.
Баспасөз қызметінің ақпаратына сәйкес, үстіміздегі жылдың 24 ақпаны күні Алматыға Қазақстан Республикасы үкіметі мен Қырғызстан Республикасы үкіметінің 1997 жылдың 8 сәуіріндегі келісімінің шеңберінде тәжірибе алмасу үшін Қырғызстан Республикасы Бас прокуратурасының делегациясы келді.
Қарғызстан Республикасы прокурорларын Қазақстан Республикасының прокуратура органдарына құжат айналымы жүйесінің автоматтандырылуын, барлық саладағы функциялық мәселелерді шешудегі ақпарат жинау, есепке алу, сақтау және ақпаратты көпмақсатты өңдеу әдістемелері, сондай-ақ басқа да қадағалау қызметтерін енгізу мен пайдалану тәжірибелері қызықтырды.
Құрамында Қырғызстан Республикасы Бас прокуратурасының басқарма бастығы Т. Қожонов, бөлім бастығы Г. Шин, Бішкек қаласы прокурорының орынбасары У. Асакеев бар делегацияны Алматы қаласының прокуроры И. Естаев және оңтүстік астана прокуратурасы органдарының қызметкерлері қабылдады.
Қырғызстандық әріптестердің жұмыс тобына Қазақстан Республикасының, оның ішінде Алматы қаласы прокуратурасы органдарының жұмысымен жан-жақты танысуға жағдай жасалды.
Кездесу соңында дөңгелек үстел басында екі ел прокурорлары өзара пікір алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.