Қазақстан мен Қырғызстанның СІМ басшылары екі елдің ынтымақтастығын талқылады
Министрліктің баспасөз қызметінің хабарлауынша, кездесу барысында саяси, сауда-экономикалық, су-энергетикалық, мәдени-гуманитарлық салалардағы екі жақты өзара қатынастың ағымдағы күйі мен перспективалық бағыттары, халықаралық ұйымдар аясындағы ынтымақтастық мәселелері талқыланды, Орталық Азиядағы ағымдағы жағдай бойынша пікір алмасты.
Бішкек. 27-қараша. Kazakhstan Today - Дүйсенбі, 26-қараша күні Бішкекте Қазақстан Республикасының Сыртқы істер министрі Ерлан Ыдырысов "Еуропалық Одақ - Орталық Азия" атты министрлік отырыс аясында қырғызстандық әріптесі Эрлан Абдылдаевпен кездесу өткізді, деп хабарлайды Kazakhstan Today агенттігінің тілшісі.
Министрліктің баспасөз қызметінің хабарлауынша, кездесу барысында саяси, сауда-экономикалық, су-энергетикалық, мәдени-гуманитарлық салалардағы екі жақты өзара қатынастың ағымдағы күйі мен перспективалық бағыттары, халықаралық ұйымдар аясындағы ынтымақтастық мәселелері талқыланды, Орталық Азиядағы ағымдағы жағдай бойынша пікір алмасты.
Атап айтқанда, екі елдің сыртқы саяси ведомстволарының басшылары Қазақстан Республикасының Президенті Нұрсұлтан Назарбаевтың биылғы жылдың тамызында Қырғыз Республикасына мемлекеттік сапары барысында қол жеткізілген біріккен келісімдерді жүзеге асыру барысын талқылады.
Кездесу қорытындылары бойынша екі елдің дипломатиялық ведомстволары арасында анағұрлым тығыз өзара қатынас құру бойынша келісімге қол жеткізілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.