Қазақстан мен Қытай арасындағы ынтымақтастықтың барлық сала бойынша өзара іс-қимылдың зор әлеуеті бар - Тоқаев
Қазақстан мен Қытай арасындағы ынтымақтастықтың барлық сала бойынша өзара іс-қимылдың зор әлеуеті бар - Тоқаев
Астана. 30 қыркүйек. Kazakhstan Today - Қазақстан мен Қытай арасындағы ынтымақтастықтың барлық сала бойынша өзара іс-қимылдың зор әлеуеті бар. Бұл туралы кеше Қытай Халық Республикасының құрылғанына 60 жыл толуына орай ресми қабылдауда парламент сенатының төрағасы Қасым-Жомарт Тоқаев мәлімдедің, деп хабарлайды Kazakhstan Today сенаттың баспасөз қызметіне сілтеме жасап.
Сенат төрағасы атаулы күнмен ҚХР елшілігінің ұжымы мен барша қытай халқын құттықтап, тату Қытай елі тарихи тұрғыда осындай қысқа мерзімде беделді және ықпалды мемлекетке айналғанын атап өтті.
"Бүгінде Қытай мемлекеті ғаламшардағы бейбітшілік пен қауіпсіздікті қамтамасыз етудің маңызды тірегінің біріне айналғанын сеніммен айта аламыз",-деді Қ.Тоқаев.
Ол сондай-ақ, қазақ пен қытай халықтары арасындағы қарым-қатынастар тарихы ғасырлар қойнауынан басталады, бүгінгі таңда елдеріміз өзара теңдік пен құрметке негізделген ықпалдастықтың жаңа үлгісін қалыптастырды, деп атап өтті.
"Қазақ-қытай қарым-қатынастарының болашағы жарқын және біздің елдеріміз арасындағы ынтымақтастықтың барлық сала бойынша өзара іс-қимылдың зор әлеуеті бар. Бұл біздің стратегиялық ұлттық мүдделерімізге, халықтарымыздың ізгі ниетіне толық сай келеді",-деді Қ.Тоқаев сөзінің соңында.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.