АСТАНА. 17-қараша. Kazakhstan Today. Бүгін Пекинде Қазақстан-Қытай ынтымақтастық жөніндегі комитетінің үшінші отырысының қорытындысы бойынша бірқатар мекемеаралық құжаттарға қол қойылды, деп хабарлайды Kazakhstan Today агенттігі республика үкіметіне сілтеме жасап.
Атап айтсақ, ҚР ауылшаруашылығы министрлігі мен ҚХР мемлекеттік сапаны бақылау, инспекция және карантин жөніндегі бас басқармасы арасында "Қазақстаннан Қытайға бидай партиясын экспорттау бойынша фитосанитарлық талаптар туралы" хаттамаға қол қойылды. Сонымен бірге тараптар "Өзара сатылатын тауарлардың қауіпсіздігі мен оны бақылау саласындағы ынтымақтастық мәселелері бойынша өзара түсіністік туралы" меморандумға, Қазақстанның инвестицияларға қолдау көрсету жөніндегі "Қазинвест" орталығы мен халықаралық инвестицияларға қолдау көрсету орталығы арасындағы меморандумға қол қойылды.
Бұдан бұрын да хабарлағанымыздай, өзара ынтымақтастық жөніндегі Қазақстан-Қытай комитеті республика президенті Нұрсұлтан Назарбаевтың Қытайға мемлекеттік сапары барысында 2004-жылдың мамыр айындағы үкіметаралық келісім негізінде құрылған. Осындай комитет құру туралы идея Қазақстан мен Қытай арасындағы 2003-2008-жылдарға арналған ынтымақтастық бағдарламасын жүзеге асыру мақсатында туындады. Қазақстан жағынан комитетті вице-премьер Кәрім Мәсімов, ал Қытай жағынан ҚХР Мемлекеттік кеңесінің вице-премьері У И басқарады.
Комитет құруда түрлі салаларда екі жақты ынтымақтастықты үйлестіру, оның ішінде стратегиялық маңызы бар ауқымды жобалар мен ұзақ мерзімді бағдарламалар жасау мақсаты көзделген.
Екі жақты қарым-қатынастың түрлі бағыттары бойынша 10 ішкі комитет пен аталмыш комитетке бағынышты трансшекаралық өзендер жөніндегі комиссия құрылды. Атап айтсақ, транспорттық ынтымақтастық жөніндегі; кедендік өткізу бекеттері арасындағы және кеден ісі бойынша ынтымақтастық жөніндегі; сауда-экономикалық ынтымақтастық жөніндегі ; ғылыми-техникалық ынтымақтастық жөніндегі; қаржылық ынтымақтастық жөніндегі; энергетика саласындағы ынтымақтастық жөніндегі; геология және жер қойнауын қорғау саласындағы ынтымақтастық жөніндегі, мәдени-гуманитарлық ынтымақтастық жөніндегі; қауіпсіздік саласындағы ынтымақтастық жөніндегі; темір жол транспорты саласындағы ынтымақтастық жөніндегі комитет.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Қытай бірқатар мекемеаралық құжаттарға қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.