Қазақстан мен Қытайдың қарым-қатынасының тереңдеуі өңірдегі даму мен тұрақтылықты сақтауда айрықша маңызға ие - Қытай СІМ
Қазақстан мен Қытайдың қарым-қатынасының тереңдеуі өңірдегі даму мен тұрақтылықты сақтауда айрықша маңызға ие - Қытай СІМ
Алматы. 31 наурыз. "Қазақстан Бүгін" - Қазақстан мен Қытайдың қарым-қатынасының тереңдеуі өңірдегі даму мен тұрақтылықты сақтауда айрықша маңызға ие. Бұл туралы ҚХР төрағасының орынбасары Си Цзиньпин Пекинде халық жиналыстары үйінде Қазақстанның сыртқы істер министрі Марат Тәжинмен кездесуде мәлім етті, деп хабарлайды "Қазақстан Бүгін" агенттігінің тілшісі "Синьхуа" ақпараттық агенттігіне сілтеме жасап.
Си Цзиньпин Қазақстан мен Қытай арасындағы байланыстың қарқынды әрі сындарлы дамып келе жатқанын атап өтті. Тараптар жоғары деңгейлі өзара сенімге ие, өзара тиімді экономикалық ынтымақтастық, белсенді мәдени алмасулар мен халықаралық істердегі етене жақын ықпалдастық дамып келеді.
Си Цзиньпиннің атап көрсеткеніндей, Қазақстан мен Қытайдың стратегиялық әріптестік қарым-қатынасының тереңдеуі екі ел арасындағы ғана емес, сонымен бірге, өңірдегі даму мен тұрақтылықты сақтауда айрықша маңызға ие.
М. Тәжин өз кезегінде Қазақстан үкіметінің қытаймен арадағы қарым-қатынасты дамытуды елдің сыртқы саясатының басымдық берілген бір бағыты ретінде қарастыратынын және алдағы уақытта да түрлі салаларда Қытаймен арадағы іскерлік ынтымақтастықты дамыта түспек ниетте деп атап көрсетті, деп хабарлайды "Синьхуа".
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.