Қазақстан мен Корей президенттері Балқаш ЖЭС құрылысы жобасының іске асырылуына қатысты мәселелерді талқылады
Астана. 24 - желтоқсан. Kazakhstan Today - Кеше Мемлекет басшысы Нұрсұлтан Назарбаев Корея Республикасының Президенті Ли Мён Бакпен телефон арқылы сөйлесті, деп хабарлайды Kazakhstan Today агенттігінің тілшісі елбасының баспасөз қызметіне сілтеме жасай отырып.
Баспасөз қызметінің хабарлауынша, әңгімелесу барысында Қазақстан-Корея қарым-қатынастарының жай-күйі мен перспективалары талқыланды. Атап айтқанда, мемлекет басшылары Балқаш ЖЭС құрылысы жобасын іске асыру туралы пікір алмасты.
Сондай-ақ, президент Ли Мён Бак Нұрсұлтан Назарбаевты Астанада ЕҚЫҰ саммитінің табысты өтуімен құттықтады және форумның өткізілуіне жоғары баға берді. Мемлекет басшысы Корея Республикасының Президентін 2011 жылы Қазақстанға сапармен келуге шақырды.
Естеріңізге сала кетсек, Балқаш ЖЭС құрылысы 2010 жылдың маусым айында басталған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.