Қазақстан мен Кореяның сыртқы саясат ведомстволары арасындағы консультациялардың 8-ші кезеңі өтеді
Қазақстан мен Кореяның сыртқы саясат ведомстволары арасындағы консультациялардың 8-ші кезеңі өтеді
Астана. 15 наурыз. Kazakhstan Today - Астанада 16 наурызда министрлер орынбасарларының деңгейінде Қазақстан Республикасы мен Корея Республикасы сыртқы саясат ведомстволары арасындағы консультациялардың 8-ші кезеңі өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Асқар Ибдірахманов құлағдар етті,- деп хабарлайды Kazakhstan Today.
Қазақстан жағынан Сыртқы істер министрінің орынбасары Нұрлан Ермекбаев, Оңтүстік Корея жағын сыртқы істер және сауда министрінің орынбасары Ли Ён Джун қатысады.
Келіссөздер барысында тараптар екі жақты қатынастардың қазіргі ахуалын, саяси үнқатысуды ілгерілету, Оңтүстік Кореяда Қазақстан жылын өткізу және халықаралық аренадағы өзара ықпалдастық мәселелері кеңінен талқылайды деп күтілуде.
Сонымен қатар, дәл сол күні Сауда-экономикалық және ғылыми-техникалық ынтымақтастық жөніндегі Қазақстан - Оңтүстік Корея үкіметаралық комиссияның бесінші отырысы өтеді. Басқосу барысында екіжақты қарым-қатынастардың бай әлеуетін толыққанды пайдаланудың нақты тетіктерін іздестіру мәселелері талқыланады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.