АСТАНА. 17-қараша. Kazakhstan Today. Қазақстан мен Латвия бүгін ақпараттық технологиялар саласындағы ынтымақтастық туралы үкіметаралық келісімге қол қойды. Бұл туралы Kazakhstan Today тілшісіне ҚР ақпараттандыру және байланыс жөніндегі агенттігінің баспасөз қызметінен хабарлады.
Үкіметаралық келісімге Латвияның электрондық басқару істері жөніндегі төтенше тапсырмалар министрі Инна Гуделле мен ҚР ақпараттандыру және байланыс жөніндегі агенттігі төрағасының міндетін атқарушы Қуанышбек Есекеев қол қойды. Баспасөз қызметінің хабарлауынша, осы құжатқа қол қою Латвия өкілдері сапарының басты мақсаты болған.
Тараптар ақпараттық технологиялар саласындағы ынтымақтастықтан, , ІТ-технологиялар мен ақпараттық жүйелерді дамыту жолымен өзара қызығушылық тудыратын салаларда идеялар, ақпарат, тәжірибе мен машық алмасудан, электронды басқаруды жүзеге асыру аясында бірлесіп жобалар жасаудан мүдделі.
Сонымен бірге Қазақстан мен Латвия өнімдер мен қызметтердің ақпараттық-технологиялық жүйелерін стандарттауда бір-біріне қолдау көрсетуге міндеттеме жүктеп алды. Сонымен бірге мемлекеттер екі елдің мамандарына бір-бірінен үйренген тәжірибені пайдалану мақсатында бірлескен іс-шараларды жүзеге асыруға келісті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Латвия ақпараттық технологиялар саласындағы ынтымақтастық туралы үкіметаралық келісімге қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.