Қазақстан мен Малайзия бірлескен халал-өнімдер өндіретін болады
"Біз Қазақстанның үдемелі индустриялық-инновациялық даму бағдарламасына малайзиялық бизнестің қатысуына, етті және сүтті халал-өнімдердің толық циклін өндіретін бірлескен кәсіпорындар құруға қызығушылық танытып отырмыз", - деді Н.Назарбаев.
Астана. 19-сәуір. Kazakhstan Today - Қазақстан мен Малайзия халал-өнімдер өндіретін бірлескен кәсіпорын ашуды жоспарлап отыр, деп хабарлайды Kazakhstan Today агенттігінің тілшісі.
Бұл туралы ҚР Президенті Нұрсұлтан Назарбаев Малайзия Премьер-министрі Наджиб Тун Разакпен кездескен кезінде мәлім етті.
"Біз Қазақстанның үдемелі индустриялық-инновациялық даму бағдарламасына малайзиялық бизнестің қатысуына, етті және сүтті халал-өнімдердің толық циклін өндіретін бірлескен кәсіпорындар құруға қызығушылық танытып отырмыз", - деді Н.Назарбаев.
Бұған дейін хабарланғандай, Қазақстан ғылымды қажет ететін өндіріске, ислам банкингі мен халал-индустрияны дамытуға малайзиялық инвестицияны тартуды жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.