Қазақстан мен Мажарстан Үкіметтері арасында бірқатар құжатқа қол қойылды
Екіжақты кездесудің қорытындысы бойынша Үкімет басшылары бірлескен мәлімдемеге қол қойды.
Астана. 4-мамыр. Kazakhstan Today - Бүгін ҚР Үкіметінің басшысы Кәрім Мәсімов елімізге ресми сапармен келген Венгрия Республикасының Премьер-Министрі Виктор Орбанмен кездесті, деп хабарлайды Kazakhstan Today агенттігінің тілшісі.
Екіжақты кездесудің қорытындысы бойынша Үкімет басшылары бірлескен мәлімдемеге қол қойды.
Сондай-ақ, ҚР Қаржы министрлігі мен Мажарстан Ұлттық экономика министрлігі арасындағы салық мәселелері бойынша ақпарат алмасу туралы келісім, ҚР Денсаулық сақтау министрлігі мен Мажарстан Ұлттық ресурстар министрлігі арасындағы денсаулық сақтау саласындағы іс-шаралар жоспары аясында ынтымақтастық туралы ниет хаттамасы, ҚР Сауда өнеркәсіп палатасы мен Мажарстан сауда өнеркәсіп палатасы арасындағы бірлескен іскерлік кеңесін құру туралы келісім, Алматы облысы мен Яс-Надькун-Сольнок облысы арасындағы ынтымақтастық туралы келісім, "KAZNEX INVEST" Ұлттық экспорт және инвестициялар жөніндегі агенттігі" АҚ мен венгерлік "HITA" инвестициялық және сауда агенттігі арасындағы өзара түсіністік туралы меморандум, "Қазақстан темір жолы" ҰК" АҚ мен "Мажар темір жолдары" ЖАҚ арасында ынтымақтастық туралы меморандум рәсімделді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.