АСТАНА. 18-қыркүйек. Kazakhstan Today. "Қазақстан мен Өзбекстан арасында мемлекеттік шекараны делимитациялау мен демаркациялауға қатысты қандайбір қайшылық жоқ. Барлық мәселе екі жақтың мүддесін бірдей ескеру негізінде шешімін тапқан". Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Кейбір бұқаралық ақпарат құралдарында Қазақ-өзбек мемлекеттік шекарасын демаркациялауға байланысты жаңсақ пікірлер жүр. Осыған байланысты қазақ-өзбек мемлекеттік шекарасындағы делимитация жұмыстары аяқталғандығына, ал демаркациялау жұмыстары әлі жалғасып жатқандығына назар аударғымыз келеді", деді Сыртқы істер министрлігінің ресми өкілі Ержан Ашықбаев.
Оның айтуынша, бұл шекараның жалпы ұзындығы 2300 шақырым. Соның бүгінге дейін басым бөлігі демаркацияланып, тек 300 шақырымдай бөлігіне ғана шекаралық белгілер қойылмаған.
"Бұл негізінен Возрождения аралы мен Арал теңізінің суы тартылып кеткен түбі", дейді Е. Ашықбаев.
Оның сөзіне қарағанда, Қазақстан тарапынан шекараның бойына бүгінге дейін 786 шекаралық баған орнатылған. Бұл жоспарланған жұмыстың 96 пайызын құрайды.
"Аумақтық мәселелерге байланытсы барлық мәселелер реттелген",- деді СІМ өкілі.
Оңтүстік Қазақстан облысындағы аумағы 2,8 гектар болатын, Өзбекстанға қарасты шекара учаскесіне қатысты түсініктеме берген Е.Ашықбаев : "бұл учаскеде Қазақстан азаматтары тұратыынн ескеру негізінде 2004-жылдың қазан айында Өзбекстан жағымен бұл учаскені Қазақстан жағына орнын толықтыру негізінде өткеріп беру жөнінде уағдаластық жасалған. Алдағы екі айдың ішінде шекаралық бағандар орнытылған соң бұл мәселеге нүкте қойлады",- деді СІМ өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Өзбекстан арасында мемлекеттік шекараны делимитациялау мен демаркациялауға қатысты қандайбір қайшылық жоқ - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.