АСТАНА. 4-қыркүйек. Kazakhstan Today. Қазақстан мен Өзбекстан қараша айында мемлекетаралық кеңестің бірінші отырысын өткізеді, деп хабарлайды Kazakhstan Today тілшісі.
"Екі ел президентінің бастамасымен құрылған мемлекетаралық үйлестіру кеңесінің бірінші отырысы осы жылдың аяғында өтеді, оны екі елдің үкімет басшылары басқарады",- деп мәлімдеді бүгін Өзбекстан президенті Ислам Кәрімовпен келіссөздердің қорытындысы бойынша Астанада өткен баспасөз мәслихатында Елбасы Нұрсұлтан Назарбаев.
Өз кезегінде И.Кәрімов: "мемлекетаралық үйлестіру кеңесінің бірінші отырысы алдағы қараша айында өтеді", деп хабарлады. "Бұл кеңес - бұрынғы кеңестік кеңістіктегі бірден-бір үлгі, ол декларативтік емес, жұмысшы орган болады",- деді Өзбекстан президенті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Өзбекстан қараша айында мемлекетаралық кеңестің бірінші отырысын өткізеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.