Қазақстан мен Португалия бірлескен бизнес-форум өткізу туралы келісім жасады
Хабарламада мәлімделгендей, кеше Латвия Сыртқы істер министрі Эдгарс Ринкевичспен кездесуде екі елдің сауда-экономикалық ынтымақтастығын дамыту мәселелері талқыланды.
Бонн. 6-желтоқсан. Kazakhstan Today - ҚР СІМ басшысы Ержан Қазыханов Бонн қаласында Ауғанстан жөніндегі халықаралық конференция шеңберінде Германия, Ирак, Индонезия, Малайзия, Қытай, Түркіменстан және өзге елдерден келген өз әріптестерімен екіжақты кездесулер өткізді, деп хабарлайды Kazakhstan Today агенттігінің тілшісі.
Бұл туралы ҚР СІМ баспасөз қызметі мәлімдеді.
Хабарламада мәлімделгендей, кеше Латвия Сыртқы істер министрі Эдгарс Ринкевичспен кездесуде екі елдің сауда-экономикалық ынтымақтастығын дамыту мәселелері талқыланды.
Олар Қазақстанның 2015-2016 жылдары БҰҰ Қауіпсіздік кеңесіне мүше болуға, ЭКСПО-2017 көрмесін Астанада өткізу өтініштерінің келешегін сөз етті.
Бұл күні Е.Қазыханов Португалия Сыртқы істер министрі Паоло Порташпен кездесті. "Министрлер келісімшарт-құқықтық база жағдайын талдау және оны кеңейтудің маңыздылығын атап өтті, сондай-ақ қазақ-португал бизнес форумын дайындап, өткізуге келісті.
Е.Қазыханов АҚШ мемлекеттік хатшысының Оңтүстік және Орталық Азия жөніндегі орынбасары Роберт Блейкпен де кездесті.
Бұл кездесу барысында екіжақты ынтымақтастық келешегі, Ауғанстандағы және Орталық Азия аймағындағы жағдай тілге тиек болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.