Қазақстан мен Ресей арасындағы мемлекеттік шекарадағы ынтымақтастық жөніндегі келісімге қыркүйекте қол қойылады деп жоспарлануда - Кәрбозов
Қазақстан мен Ресей арасындағы мемлекеттік шекарадағы ынтымақтастық жөніндегі келісімге қыркүйекте қол қойылады деп жоспарлануда - Кәрбозов
Астана. 31 шілде. "Қазақстан Бүгін" - Қазақстан мен Ресей арасындағы мемлекеттік шекарадағы бірлескен бақылауды жүзеге асырудағы ынтымақтастық жөніндегі келісімге қыркүйек айында қол қойылады деп жоспарлануда. Бұл туралы бүгін ҚР Қаржы министрлігінің Кедендік бақылау комитетінің төрағасы Қозы Көрпеш Кәрбозов осы мекемеде өткен кеңесте мәлім етті, деп хабарлайды агенттік тілшісі.
"Қазақстан мен Ресей президенттерінің қатысуымен ағымдағы жылдың қыркүйек айында Ақтөбеде өтетін шекаралық өңірлердің жетекшілерінің форумы аясында біз Қазақстан мен Ресей арасындағы мемлекеттік шекарадағы бірлескен бақылауды жүзеге асырудағы ынтымақтастық жөніндегі келісімнің тұсаукесерін өткізіп, оған қол қоюды жоспарлап отырмыз", - деді Қ. Кәрбозов.
Оның айтуынша, сондай-ақ, ағымдағы жылдың қыркүйек айында Кедендік бақылау комитетінің басшылығымен Өскеменде Қазақстан мен Қытай шекарасында "Қалжат" және "Дулат" өткізу бекеттерінің негізінде бірлескен кедендік бақылауды енгізу жөніндегі сынақ жұмыстарының бірінші кезеңінің қорытындысын шығаруға бағытталған жиналыс өтеді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.