ШЫМКЕНТ. 8- желтоқсан. Kazakhstan Today. Кеше ОҚО Отырар ауданындағы "Заречное" уран өндіру кен орнының ашылу рәсімінде Қазақстан мен Ресей атом энергетикасы саласындағы ынтымақтастықты тереңдетуге байланысты бірқатар құжаттарға қол қойды,-деп хабарлайды Kazakhstan Today агенттігі.
ҚР энергетика және минералды ресурстар министрі Бақтықожа Ізмұхаметов пен РФ атом энергиясы Федералды агенттігінің бас директоры Сергей Кириенко екі ел президенттеріне бағытталған "Атом энергиясын бейбіт мақсатта қолдану аясындағы Қазақстан-Ресей ынтымақтастығының кешенді бағдарламасы туралы" атты баяндамаға қол қойды.
Кириенко: "бұл бағдарламаның жүзеге асуы РҚ мен РФ арасындағы қатынастарды жаңа белестерге шығармақшы". "Ресей мен Қазақстанның атом энергиясы саласындағы ынтымақтастығы бұған дейін болмаған жылдамдықпен даму үстінде",-деді Кириенко. "Биыл біз ортақ үш кәсіпорын құрдық. Олардың әрқайсысының айналымы бірнеше миллиард долларға жетпекші. Біз әрқашан бір-бірімізге демеу болып отырамыз. Атом кешендерінің арасында байланыс орнату Ресей мен Қазақстанның қарқынды дамуына әсер етуі анық",-деді агенттік басшысы.
Сонымен қатар, бүгін "Қазатомпром"ҰК" АҚ президенті Мұхтар Жәкішев пен "Техснабэкспорт"ААҚ бас директоры Владимир Смирнов " "Услуга" сауда теңіз айлағы ауданында уақытша сақтау орнының құрылысы мен қолданысқа беруі жөнінде бірлескен кәсіпорын құру туралы келісім жөніндегі" меморандумға қол қойды. Сонымен қатар, М.Жәкішев пен В. Смирнов және Еуразия банкі басқарма төрағасы Игорь Виногенов өзара ынтымақтастық жөнінде келісім жасасты.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Ресей атом энергетикасы саласындағы ынтымақтастығын тереңдетуге бағытталған бірқатар құжаттарға қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.