Қазақстан мен Ресей энергетика, кедендік бақылау және әскери-техникалық саладағы ынтымақтастық туралы үкіметаралық келісімдерге қол қойды
Қазақстан мен Ресей энергетика, кедендік бақылау және әскери-техникалық саладағы ынтымақтастық туралы үкіметаралық келісімдерге қол қойды
Алматы. 11 қыркүйек. Kazakhstan Today - Қазақстан мен Ресей энергетика, кедендік бақылау және әскери-техникалық саладағы ынтымақтастық туралы үкіметаралық келісімдерге қол қойды. Құжаттарға қол қою рәсімі Қазақстан президенті Нұрсұлтан Назарбаев пен Ресей президенті Дмитрий Медведевтің қатысуымен Орынборда Қазақстан мен Ресейдің өңіраралық ынтымақтастық форумы кезінде өтті, деп хабарлайды Kazakhstan Today ИТАР-ТАСС-қа сілтеме жасап.
ИТАР-ТАСС мәліметінше, РФ пен Қазақстанның энергетика министрлері Сергей Шматко мен Сауат Мыңбаев Екібастұздағы 2-ші ГРЭС-тің үшінші блогын салу және пайдалану жөніндегі үкіметаралық келісімге қол қойды.
Сондай-ақ, Ресейдің Искери-техникалық ынтымақтастық жөніндегі федералдық қызметінің директоры Михаил Дмитриев пен ҚР индустрия жіне сауда министрі Исет Исекешев өз қолдарын қою арқылы Қазақстан мен Ресей Федерациясының қарулы күштерінің мүддесіне сай әскери-техникалық ынтымақтастық саласындағы бірлескен жұмыстардың бағдарламасын жасап жүзеге асыру жөніндегі үкіметаралық келісімді бекітті.
Сондай-ақ, РФ Федералдық кеден қызметінің жетекшісі Андрей Бельянинов пен ҚР Қаржы министрлігінің Кедендік бақылау комитетінің төрағасы Қозы-Көрпеш Кәрбозов Қазақстан мен Ресей шекарасындағы бірлескен бақылауды жүзеге асыру жөніндегі үкіметаралық келісімге қол қойды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.