АСТАНА. 17-қараша. Kazakhstan Today. Қазақстан парламентінің сенаты мен Ресейдің Федералдық кеңесі ынтымақтастық туралы келісімге қол қойды, деп хабарлайды сенаттың баспасөз қызметі.
"17-қарашада Санкт-Петербургтың Таврический сарайында Қазақстан Республикасы парламентінің сенаты мен Ресейдің Федералдық жиынының Федералдық кеңесі арасындағы ынтымақтастық туралы келісімге қол қою рәсімі өтті. Нұртай Ибіқаев пен Сергей Миронов екі ел парламентінің жоғарғы палаталары арасындағы ынтымақтастық туралы келісімге қол қойды",- деп хабарлайды баспасөз қызметі.
Құжатқа сәйкес, тараптар "Қазақстан мен Ресей арасындағы парламентаралық ынтымақтастықты дамытуға түрткі болуға тиіс. Ондағы мақсат - саяси, экономикалық және гуманитарлық саладағы мемлекетаралық қарым-қатынастарды одан әрі жетілдіруді қамтамасыз ететін келісім-құқықтық базаны дамыту мен үйлестіруге жағдай жасау".
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Ресей парламенттерінің жоғарғы палаталары ынтымақтастық туралы келісімге қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.