Қазақстан мен Ресей президенттерінің қатысуымен өтетін шекаралас өңірлердің басшыларының саммиті Қостанайда емес, Ақтөбеде өтеді
Қазақстан мен Ресей президенттерінің қатысуымен өтетін шекаралас өңірлердің басшыларының саммиті Қостанайда емес, Ақтөбеде өтеді
Қостанай. 18 маусым. "Қазақстан Бүгін" - Қазақстан мен Ресей президенттерінің қатысуымен өтетін шекаралас өңірлердің басшыларының саммиті Қостанайда емес, Ақтөбеде өтеді, деп хабарлайды "Қазақстан Бүгін" агенттігінің тілшісі ҚР СІМ баспасөз қызметіне сілтеме жасай отырып.
Агенттік тілшісіне СІМ баспасөз қызметінің жетекшісі Ілияс Омаров хабарлағандай, саммитті Қостанайдан Ақтөбеге көшіру туралы шешім таза техникалық себептерден туындаған. Қостанай қаласының әуежайы стандартты емес.
Қостанай әуежайынан түсіндіргендей, Ресей президентінің ұшағы жерге қауіпсіз қонуы үшін ұшу-қону жолағының ұзындығы, кейбір есептеулер бойынша, 3 шақырымнан кем болмауы керек екен. Ал Қостанайда ол 500 метрге қысқа болып шыққан.
Саммит қонақтары үшін әрқайсысы 220 мың теңгені құрайтын сыйлық шапандары тігілген. Олар Қостанай қаласының, Қазақстан Республикасы мен Ресей Федерациясының таңбаларымен әшекейленген. "Енді олардың тағдыры белгісіз", - деп хабарлады үлгіші Елена Шевченко.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.