АСТАНА. 10 - мамыр. Kazakhstan Today. Бүгін Ресейдің президенті Владимир Путиннің Астанаға ресми сапары барысында уранды байыту жөніндегі халықаралық орталық құру туралы үкіметаралық келісімге қол қойылды, деп хабарлайды Kazakhstan Today агенттігінің тілшісі.
Құжатқа Қазақстан жағынан энергетика және минералды ресурстар министрі Бақтықожа Ізмұхамбетов, ал Ресей жағынан Атом энергиясы жөніндегі федералдық агенттіктің төрағасы Сергей Кириенко қол қойды.
Сонымен қатар, Қазақстан мен Ресей арасында сауда өкілдігі бөлімін ашу туралы үкіметаралық келісімге қол қойылды. Бұл құжатқа Қазақстан Республикасының индустрия және сауда министрі Ғалым Оразбақов пен Ресей Федерациясының сауда және экономикалық даму министрінің орынбасары Виталий Савельев қол қойды.
Қазақстан мен Ресей уранды байыту жөніндегі халықаралық орталық құру туралы келісімге қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.