Қазақстан мен Ресейдің мемлекеттік шекарасы 2009 жылы демаркациялана бастайды - Өзбеков
Қазақстан мен Ресейдің мемлекеттік шекарасы 2009 жылы демаркациялана бастайды - Өзбеков
Астана. 16 маусым. "Қазақстан Бүгін" - Қазақстан мен Ресейдің мемлекеттік шекарасы 2009 жылы демаркациялана бастайды. Бұл туралы Жер ресурстарын басқару жөніндегі агенттігінің төрағасы Өмірзақ Өзбеков бүгін парламентте өткен "үкіметтік сағат" барысында мәлімдеді, деп хабарлайды агенттік тілшісі.
"Ресей Федерациясымен арадағы мемлекеттік шекара 2009 жылы демаркациялана бастайды", -деп мәлімдеді Ө. Өзбеков.
"Біздың жақ оны бастауға дайын болатын, бірақ, Ресей жағының өтінішімен оны 2009 жылы бастау ұйғарылды", - деді ол.
Бұдан бұрын да хабарлағанымыздай, Қазақстан мен Ресей арасындағы мемлекеттік шекара туралы келісімге екі ел президенттері 2005 жылдың 18 қаңтарында Мәскеуде қол қойды. Құжат Қазақстан мен Ресей арасындағы құрғақтағы, соның ішінде өзендер мен көлдер арқылы өтетін мемлекеттік шекараны айқындайтын базалық келісім болып саналады. Екі мемлекет те бұл келісімді 2005 жылдың желтоқсан айының басында бекітті.
Қазақстан мен Ресейдің мемлекеттік шекарасының жалпы ұзындығы 7591 шақырымға тең.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.