АСТАНА. 3-қазан. Kazakhstan Today. Қазақстан парламенті сенатының спикері Нұртай Ибіқаевтың пайымдауынша, Қазақстан мен Ресейдің техникалық реттеу жүйелерін реформалау саласындағы тәжірибесі бұрынғы Кеңестік кеңістіктегі басқа елдерге үлгі бола алады, деп хабарлайдлы Kazakhstan Today тілшісі Астанадан.
"Біздің елдердің техникалық реттеу жүйелерін реформалау саласындағы тәжірибеміз осы саладағы ұлттық заңнамаларды одан әрі үйлестіруге қызмет ететін болады және ол елдер үшін пайдалы",- деді бүгін Н.Ибіқаев "Қазақстан мен Ресейдің техникалық реттеу саласындағы заңнамасын үйлестіру" атты парламетнтік тыңдау барысында.
"Бұдан тек Қазақстан мен Ресейдің ғана ұтпайтыны айқын. Бүгіндері ТМД, ЕурАзЭҚ, Шанхай ынтымақтастығы ұйымы және бұрынғы Кеңестік кеңістік аясындағы басқа да ұйымдар шеңберіндегі интеграциялық процестерді ілгері жылжытушы бастамалардың басым бөлігі екі елдің үлесінде",- деді ол.
Сенат спикері ТМД аясында Қазақстан мен Ресейдің ғана екі жақты ынтымақтастықтың теңдессіз тәжірибесін жинақтап, Біртұтас экономикалық кеңістік пен Кедендік одақты құруда жетекші роль атқарып, интеграциялық процестердің локомотивіне айналды", деп атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Ресейдің техникалық реттеу жүйелерін реформалау саласындағы тәжірибесі басқа елдерге үлгі бола алады - сенат спикері
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.