Қазақстан мен Шри-Ланка туризм саласында ынтымақтастық орнату туралы келісім жасады
Бұл туралы бүгін баспасөз мәслихаты барысында ҚР Президенті жанындағы Орталық коммуникациялар қызметінің ресми өкілі Алтай Ибибуллаев хабарлады.
Астана. 19-қараша. Kazakhstan Today - 19-22 қараша аралығында Шри-Ланка Президенті Махинда Раджапакса Астанаға мемлекеттік сапармен келеді, деп хабарлайды Kazakhstan Today агенттігінің тілшісі.
Бұл туралы бүгін баспасөз мәслихаты барысында ҚР Президенті жанындағы Орталық коммуникациялар қызметінің ресми өкілі Алтай Ибибуллаев хабарлады.
"Қазақстан Президенті Нұрсұлтан Назарбаевтың шақыруымен осы аптада, яғни 19-22 қараша аралығында Шри-Ланка Президенті Махинда Раджапакса Астанаға мемлекеттік сапармен келетін болады. Екі ел басшыларының саяси және сауда-экономикалық ынтымақтастығы жөніндегі келіссөздері мен халықаралық саясат, энергетикалық және аймақтық қауіпсіздік мәселелері бойынша кеңінен пікір алмасу жоспарланған. Келіссөздер қорытындысы бойынша Астанада туризм саласындағы ынтымақтастық, келісім мен сауда-өнеркәсіптік палатасы мен Цейлон ұлттық сауда палатасы арасында өзара түсіністік туралы меморандумға қол қойылады деп күтілуде", - деді А.Ибибуллаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.