Қазақстан мен Таиланд бизнесті дамыту үшін арнайы жұмыс тобын құруға келісті
21-22 маусым күндері Бангкок қаласында Таиланд Корольдігі мен Қазақстан Республикасы арасындағы екіжақты ынтмақтастық жөніндегі бірлескен комиссияның 2-ші отырысы өтті.
Банконг. 27-маусым. Kazakhstan Today - Қазақстан мен Таиланд бизнесті дамыту үшін арнайы жұмыс тобын құруға келісті, деп хабарлайды Kazakhstan Today агенттігінің тілшісі.
21-22 маусым күндері Бангкок қаласында Таиланд Корольдігі мен Қазақстан Республикасы арасындағы екіжақты ынтмақтастық жөніндегі бірлескен комиссияның 2-ші отырысы өтті.
Қазақстандық делегацияны ҚР Еңбек және халықты әлеуметтік қорғау министрі Гүлшара Ибдіқалықова бастап барды, деп хабарлады аталған ведомствоның баспасөз қызметінен.
Жиын барысында Г.Ибдіқалықова комиссия отырысына қатысушыларды 2020 жылға дейінгі Қазақстанның даму басымдықтарымен және Елбасы Н.Назарбаевтың ҚР Сыртқы істер министрлігі мен еліміздің шет елдегі дипломатиялық мекемелері алдына қойған міндеттерімен жан-жақты таныстырды. Ол өз сөзінде Қазақстанның әлеуметтік-экономикалық дамуының одан арғы негізгі басымдығы индустриялық-инновациялық даму болып табылатындығын баса айтты.
Үкіметаралық комиссияның екінші отырысының қорытындысында екі ел арасындағы ынтымақтастықтың барлық саласы жан-жақты қаралды. Исіресе, екіжақты сауда-саттық, инвестиция тарту, туризм және спорт саласындағы ынтымақтастық мәселелеріне ерекше назар аударылды. Нәтижесінде инвестицияны өзара дамыту және қорғау жөніндегі келісімді, сауда туралы келісімшартты, дипломатиялық және қызметтік төлқұжат иелеріне виза талаптарын алып тастау туралы келісімге қысқа мерзім ішінде қол қоюға дайындау уағдаластығы жасалды.
Сонымен қатар тараптар бизнесті дамыту бойынша таиландық-қазақстандық жұмыс тобын құруға және таяу аралықта тайландық-қазақстандық іскерлік кеңесін құру мүмкіндігін қарастыруға келісті.
Алқалы жиын соңында тараптар комиссияның үшінші отырысын Астана қаласында өткізуге уағдаласты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.