Қазақстан мен Түркия парламентаралық байланыстарды нығайтпақ
Мемлекет басшысы баспасөз қызметінің хабарлауынша, "Біз экономика, мәдениет салаларында қоян-қолтық ынтымақтастық орнатқан бауырлас елміз. Біздің кездесулеріміз үнемі аса жоғары деңгейде өтеді", - деді Н.Назарбаев кездесуде.
Астана. 27-қыркүйек. Kazakhstan Today - Қазақстан мен Түркия парламентаралық байланыстарды нығайтпақ, деп хабарлайды Kazakhstan Today агенттігінің тілшісі.
Қазақстан президенті Нұрсұлтан Назарбаев бейсенбі күні Астанада Түркияның ұлы ұлттық жиыны төрағасы Жемил Чичекті қабылдады.
Мемлекет басшысы баспасөз қызметінің хабарлауынша, "Біз экономика, мәдениет салаларында қоян-қолтық ынтымақтастық орнатқан бауырлас елміз. Біздің кездесулеріміз үнемі аса жоғары деңгейде өтеді", - деді Н.Назарбаев кездесуде.
Президент екі жақты байланыстарды нығайту үшін Түркі тілдес мемлекеттер кеңесі құрылғанын тілге тиек етті. Еліміздің барлық аймақтарында жиырмадан астам Қазақ-түрік лицейлері мен екі бірдей университет жұмыс істеп тұр.
"Бұл екі ел арасындағы бір-біріне деген сенім мен екі жақты байланыстардың үлкен қарқынмен дамып келе жатқанының айғағы. Қазақстан мен Түркия парламенттері арасындағы байланыстар да осындай жоғары деңгейге көтерілуі тиіс", - деп атап өтті мемлекет басшысы.
Өз кезегінде Ж.Чичек елбасына Түркия басшылығының сәлемін жеткізді. Дәл осы күні түрік парламенті төрағасымен сенат төрағасы Қайрат Мәми кездесті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.