Қазақстан мен Түркияның арасында өткен бизнес-форумның қорытындысы бойынша құны 1 млрд АҚШ долларынан асып жығылатын келесімдерге қол қойылды
Елбасы Нұрсұлтан Назарбаевтың Ресей мен Түркияға сапары барынша жемісті болды. Бұл туралы бүгін Астанада ҚР Сыртқы істер министрлігінің ресми өкілі Алтай Ибибуллаев мәлім етті.
Стамбул. 15-қазан. Kazakhstan Today - Қазақстан мен Түркияның арасында өткен бизнес-форумның қорытындысы бойынша құны 1 млрд АҚШ долларынан асып жығылатын келесімдерге қол қойылды, деп хабарлайды Kazakhstan Today агенттігінің тілшісі.
Елбасы Нұрсұлтан Назарбаевтың Ресей мен Түркияға сапары барынша жемісті болды. Бұл туралы бүгін Астанада ҚР Сыртқы істер министрлігінің ресми өкілі Алтай Ибибуллаев мәлім етті.
"Өткен аптада Қазақстан Президенті Нұрсұлтан Назарбаевтың Ресей Федерациясына және Түркия Республикасына екі маңызды сапары орын алған болатын. Бұл сапарлар біздің елдеріміз арасындағы дипломатиялық қарым-қатынастардың орнатылғанына 20 жыл толуы белгісімен өтті", деді ол.
Осы ретте ресми өкіл Қазақстан мен Ресей Президенттерінің кездесуі нәтижесі бойынша екі ел басшыларының бірлескен Мәлімдемесі мен бірқатар екіжақты құжаттарға қол қойылғандығын атап өтті.
"Түркия Республикасына сапары аясында Қазақстан Президенті Нұрсұлтан Назарбаев пен Түркия Премьер-министрі Реджеп Тайып Ердоғанның төрағалығымен Қазақстан мен Түркия арасындағы Жоғары деңгейлі стратегиялық ынтымақтастық кеңесінің бірінші отырысы өткізілді. Отырыс қорытындысы бойынша тараптар бірқатар екіжақты құжаттарға және Қазақстан мен Түркия арасындағы "Жаңа синергия" атты Бірлескен экономикалық бағдарламаны жүзеге асыру жоспарына қол қойды", деді А.Ибибуллаев.
Сонымен қатар ол Ыстамбұлда екі елдің іскер топтары өкілдерінің қатысуымен бизнес-форум өтіп, оның аясында 1 млрд. АҚШ долларынан астам соманы құрайтын бірлескен жобаларды жүзеге асыру жөніндегі 15 келісім-шартқа қол қойылғандығын еске салды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.