АСТАНА. 27-ақпан. Kazakhstan Today. Бүгін Астанада Қазақстан СІМ Марат Тәжин мен Изербайжан СІМ Эльмар Мамедьяров екі жақты келісімдерге қосымша хаттамаларға қол қойды, деп хабарлайды Kazakhstan Today тілшісі.
Атап айтсақ, Қазақстан Республикасы мен Изербайжан Республикасының үкіметтері арасындағы одақтастық қарым-қатынастар және стратегиялық әріптестік туралы келісімді бекіту жөніндегі грамоталармен алмасу туралы хаттамаға, сондай-ақ, Қазақстан Республикасы мен Изербайжан Республикасының үкіметтері арасындағы екі ел азаматтарының визасыз қатынауы туралы 1997-жылғы 10-маусымдағы келісімге қосымша хаттамаға қол қойды.
Қол қою рәсімі Изербайжан СІМ-нің елімізге сапары аясында екі елдің министрлері басқарған өкілдер арасындағы келіссөздерден кейін өтті. Бұдан бұрын да хабарлағанымыздай, Э.Мамедьяровтың сапары ақпанның 27 -28 аралығында жалғасады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан мен Изербайжанның сыртқы істер министрлері екі жақты келісімдерге қосымша хаттамаға қол қойды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.