Қазақстан мен Жапония екі жақты ынтымақтастық жайын талқылайды
Қазақстан мен Жапония екі жақты ынтымақтастық жайын талқылайды
Астана. 19 қазан. Kazakhstan Today - Астана қаласында 22 қазанда экономика саласындағы ынтымақтастық жөніндегі Қазақстан Республикасы мен Жапонияның үкіметтік және жеке секторларының бірлескен комиссиясының 10-шы отырысы өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today.
Келіссөздерді Қазақстан тарапын Энергетика және минералды ресурстар вице-министрі Исет Мағауов, ал жапон делегациясын Экономика, сауда және индустрия вице-министрі Хироюки Исигэ басқарады.
"Мәжіліс барысында энергетика, индустрия және сауда салаларындағы екі жақты ынтымақтастықтың қазіргі жағдайы мен келешегі, сондай-ақ Қазақстанға Жапония ивестициялары мен технологияларын тарту мәселесі талқыланады.
Жапон тарапының құрамына бірқатар мемлекеттік органдар басшылығымен қатар, жапондық жетекші корпорациялар мен арнайы экономикалық ұйымдар басқарушы буынының өкілдері енді",- деді Е.Ашықбаев.
СІМ мәліметінше, шара нәтижелері бойынша қорытынды хаттама мен қазақ-жапон экономикалық ынтымақтастығын жандандыру жөніндегі іс-қимыл жоспарына қол қою күтілуде.
Сапар шеңберінде Экономика, сауда және индустрия вице-министрі Хироюки Исигэ еліміздің министрліктерімен даму институттары басшылығымен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.