Қазақстан "Мұсылман әлемі және Батыс" тақырыбында форум өткізуге бастама көтеріп отыр
Қазақстан мұсылман мемлекеттерінің сыртқы саясат мекемелерінің басшылары деңгейінде "Мұсылман әлемі және Батыс" тақырыбында әлеуметтік-саяси форум өткізуге бастама көтеріп отыр.
"ҚАЗАҚСТАН БҮГІН". 4 қыркүйек. АСТАНА. Қазақстан мұсылман мемлекеттерінің сыртқы саясат мекемелерінің басшылары деңгейінде "Мұсылман әлемі және Батыс" тақырыбында әлеуметтік-саяси форум өткізуге бастама көтеріп отыр. Бұл туралы бүгін "Орта Азиядағы ислам өркениеті" атты халықаралық конференция барысында Қазақстан Республикасының сыртқы істер министрі Марат Тәжин мәлім етті, деп хабарлайды "ҚАЗАҚСТАН БҮГІН" агенттігінің тілшісі.
"Қазақстанда екі рет өткізіліп үлгерген Дүниежүзілік және дәстүрлі діндер жетекшілерінің съезді аясындағы конфессияаралық келіссөздер орнату жөніндегі еліміздің жетістіктері белгілі",- деп атап өтті министр. "Осы тәжірибе базасында біз мұсылман мемлекеттерінің сыртқы саясат мекемелерінің басшылары деңгейінде "Мұсылман әлемі және Батыс" тақырыбында әлеуметтік-саяси форум өткізуді жоспарлап отырмыз", деді ол. Сонымен қатар, оның хабарлауынша "Қазақстан аталмыш бастаманы жүзеге асыруға басты мұсылман мемлекеттері мен "Ислам конференциясы" Ұйымының бас хатшылығының қолдауына ие болды".
"Ислам қаупі" секілді түсінікті пайдаланудың оңайлығы қатерлі масштабқа ие болғаны соншалықты, қазір тіпті ислам тарапынан төнген мифтік қауіп туралы емес, исламның өзін қорғау қажеттігі туралы сөз қозғайтын сәт туды",- деп санайды М. Тәжин. "Қазақстан басқа да көптеген елдер сияқты, бұл проблеманың шешімін өркениеттердің өзара ықпалдастығы мен келіссөздерден көріп отыр",- деп атап өтті ол.
Қазақстанның сыртқы саясат мекемесінің басшысы сондай-ақ, "Қазақстан "Ислам конференциясы" Ұйымымен арадағы қатынасын дамытуға үлкен назар аударып отырғандығын" атап көрсетті. "Қазіргі уақытта "Ислам конференциясы" Ұйымы ислам әлемінің алдында тұрған заманауи қауіп-қатерлерге лайықты жауап қату үшін ұйым құрылымын модернизациялау қажеттілігіне байланысты үлкен жолдың басында тұр",- деп атап өтті ол. "Біздің ел аталмыш процессті қолдайды және оған қатысады",- деп қосты министр. "Қазақстан зайырлы мемлекет бола отырып, мұсылман әлемінің сөзсіз юір бөлігі болап табылады",- деп қорытындылады ол.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.