АСТАНА. 18-қыркүйек. Kazakhstan Today. 18-24-қыркүйекте ҚР СІМ Қасымжомарт Тоқаев басқарған Қазақстан өкілдері БҰҰ Бас ассамблеясының Нью-Йоркте өтетін 61-сессиясына қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Қ.Тоқаев жалпы пікірталастарға қатысады. "Еліміздің бас дипломаты бұған қоса Еуропа, Азия және Америка құрлығы елдерінің министрлерімен бірқатар екі жақты кездесулер өткізбекші", деді ол.
СІМ өкілінің айтуынша, "сапар аясында Тоқаев мырза Азия ынтымақтастық диалогы, Ислам конференциясы ұйымы, "Clinton Global Initiative", Экономикалық ынтымақтастық ұйымы, Бейбітшілік үшін дінаралық ынтымақтастық жөніндегі жоғары деңгейлі Конференциясы шеңберіндегі министрлердің кездесулері мен келіссөздеріне қатысады деп жоспарланған. Министр Азия қоғамы мүшелерінің алдында сөз сөйлеп, АҚШ-тың сыртқы саясаты мәселелері жөніндегі Ұлттық комитетінің басшылығымен кездеседі деп күтілуде".
"Қазақстан өкілдерінің Нью-Йоркке сапары шеңберінде БҰҰ Бас ассамблеясының көші-қон жөніндегі жоғары деңгейлі жалпы отырысы өтеді. Онда ҚР еңбек және халықты әлеуметтік қорғау министрлігі көші-қон комитетінің төрағасы Жазбек Ибдиев сөз сөйлейді" ,- деді Е.Ашықбаев.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан өкілдері БҰҰ Бас ассамблеясының Нью-Йоркте өтетін 61-сессиясына қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.