АСТАНА. 13-ақпан. Kazakhstan Today. 12-13 ақпанда Анкарада ҚР сыртқы істер министрінің орынбасары Нұрлан Ермекбаев басқарған қазақстандық делегация Ядролық лаңкестікке қарсы күрес жөніндегі жаһандық бастамаға қатысушы елдердің екінші кездесуінің жұмысына қатысты. Аталған бастаманы 2006 жылғы шілдеде Санкт-Петербургте өтетін "Үлкен сегіздік" саммитінің қарсаңында Ресей мен АҚШ президенттері көтерген болатын, деп хабарладйы Kazakhstan Today тілшісі ҚР СІМ-нің баспасөз қызметіне сілтеме жасап.
Қазақстандық дипломат қатысушыларға таратпау саласында біздің елдің қолға алып жатқан және жүзеге асырып жатқан нақты шаралары, соның ішінде өз еркімен ядролық қарудан бас тарту, Орталық Азияда ядролық қарудан еркін аймақ құру жөнінде әңгімелеп берді және ядролық терроризмге қарсы күрес жүргізуде халықаралық ынтымақтастықты күшейту қажеттігі жөніндегі қазақстандық тараптың ұстанымын жариялады.
Қазақстан да АҚШ, Ресей, Австралия, Ұлыбритания, Германия, Италия, Канада, Қытай, Түркия, Франция және Жапония елдерімен қатар бастаманың бастапқы серіктесі болып табылады. МАГАТЭ ұйымына бақылаушы рөлін жүктей отырып, бастама оған қатысушыларды есепті, ядролық материалдар мен объектілерді қадағалау және қорғауға, ядролық терроризм актілерінің салдарына шара қолдануға, ядролық материалдармен байланысты заңсыз қызметті анықтау және жолын кесуге, ядролық терроризммен күрес жүргізу үшін жаңа технологияларды әзірлеуде ынтымақтастықты дамытуға шақырады.
Бастамаға қатысушы елдердің 2006 жылғы 30 қазанда Рабатта (Марокко) жасаған ұсынысы бойынша Қазақстан үстіміздегі жылы Астанада сыртқы істер министрлері орынбасарларының үшінші кездесуін қабылдауға дайындалуда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан өкілдері Ядролық лаңкестікке қарсы күрес жөніндегі жаһандық бастамаға қатысушы елдердің екінші кездесуіне қатысты
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.