АСТАНА. 26-ақпан. Kazakhstan Today. Мадридте 1-2-наурызда кіріс деңгейі орташа елдерді дамыту мәселесіне арналған бас қосу өтеді, оған ҚР СІМ-нің орынбасары Қайрат Ибдірахманов басқарған еліміздің өкілдері қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Оның айтуынша, бас қосуды БҰҰ хатшылығының экономикалық және әлеуметтік мәселелер жөніндегі департаменті мен Испанияның сыртқы істер және ынтымақтастық жөніндегі министрлігі ұйымдастырады.
Бас қосу "кіріс деңгейі орташа елдер" ұғымына мейлінше айқын анықтама беру, халықаралық қоғамдастық тарапынан кіріс деңгейі орташа елдерге қолдау көрсету қажеттігін ақтайтын аргументтерді табу, кіріс деңгейі орташа елдермен ынтымақтастық саясатында түрлі агенттердің атқаратын ролін зерттеу, осы топтағы елдермен халықаралық ынтымақтастық саласындағы жұмыстардың мейлінше ықпалды құралдарын белгілеу мақсаттарын көздейді.
Е.Ашықбаевтың айтуынша, бас қосу аясында "Кіріс деңгейі орташа елдерді халықаралық сауда-саттыққа тарту және олардың бәсекелестік қабілетін қамтамасыз ететін артықшылықтар", "Кіріс деңгейі орташа елдердегі қаржылық тұрақтылық", "Илеуметтік бірлік және демократиялық басқару", "Кіріс деңгейі орташа елдермен халықаралық ынтымақтастық" секілді төрт тақырыпқа арналған сессиялар өткізіледі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан өкілдері Мадридте өтетін кіріс деңгейі орташа елдерді дамыту мәселесіне арналған бас қосуға қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.