АСТАНА. 18-қыркүйек. Kazakhstan Today. 18-22 қыркүйекте Венада МАГАТЭ-нің 50-ші мерейтойлық сессиясы өтеді. Іс-шараға ҚР Сыртқы істер министрінің бірінші орынбасары Рахат Илиев басқаратын делегация қатысады. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Қазақстан делегациясының басшысы өз сөзінде Қазақстанның халықаралық қауіпсіздікті нығайту ісін жақтайтынын, жаһандық проблемалар мен жанжалдарды реттеуде халықаралық ұйымдардың рөлін арттыру жайына тоқталады", деді СІМ өкілі.
"МАГАТЭ мерейтойы құрметіне, сондай-ақ Семей сынақ алаңы жабылуының 15 жылдығына орай, Қазақстан Республикасы көрме өткізу үшін арнайы экспонаттар тапсырды. Олар еліміздің қару-жарақ таратпау мен ядролық сынақтардан бас тартуға қосқан үлесін паш етеді",- деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстан өкілдері МАГАТЭ-нің 50-ші мерейтойлық сессиясына қатысады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.