Қазақстан өкілдері ТМД Экономикалық кеңесінің 36-шы отырысына қатысады
Қазақстан өкілдері ТМД Экономикалық кеңесінің 36-шы отырысына қатысады
Астана. 10-желтоқсан. "Қазақстан Бүгін" - Қазақстан өкілдері ТМД Экономикалық кеңесінің 14-желтоқсанда Мәскеуде өтетін 36-шы отырысына қатысады, деп хабарлады "Қазақстан Бүгін" агенттігінің тілшісіне Қазақстан Республикасының Сыртқы істер министрлігінің баспасөз қызметінен.
«Іс-шара барысында ТМД аясындағы, соның ішінде ауылшарушалық, көлік және коммуникация саласындағы ынтымақтастықтарды одан әрі дамыту жөніндегі 20-ға жуық мәселе қаралады»,- деп нақтылап өтті баспасөз қызметіндегілер.
Сонымен қатар, Қазақстан Республикасының Сыртқы істер министрлігінің мәліметтеріне сүйенсек, ТМД жарғылық органдарының іс-қызметін қаржылай қамтамасыз етуге байланысты мәселелер қарастырылып, Мемлекетаралық банктің жұмысы туралы берген есебі тыңдалатын болады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.